“Әти-әни белән өйрәнәбез” сериясеннән булган “Нәниләргә әлифба. Сүзләр илендә” исемендәге әлеге өченче китап 4–6 яшьлек балалар өчен төзелде. Китапның төп максаты — баланы дөрес, йөгерек укырга өйрәтү. Сабый системалы рәвештә аваз, хәреф, иҗек, сүз төшенчәләрен өйрәнә. Тәкъдим ителгән биремнәр хәрефләрне иҗекләргә, иҗекләрне сүзләргә кушарга гына өйрәтеп калмыйча, туган телнең байлыгын, матурлыгын тоеп, сүз байлыгын, сөйләм телен үстерүгә юнәлтелгән.