«Раннур» нәшриятында Румия Юналеева авторлыгында 272 биттән торган «Татарчарусча кесә сүзлеге» басылып чыкты. Ул яхшы сыйфатлы ак кәгазьдә, каты тышлы итеп чыгарылды. Уңайлык өчен кесәгә сыярлык итеп эшләнгән. Сүзлектә татар телендә еш кулланыла торган 5 мең сүз бирелгән. Ул киң катлау укучыларга җанлы сөйләшү телендә файдалану өчен тәкъдим ителә.
Сүзлек — мәктәп һәм гимназияләрдә, югары уку йортларында укучылар өчен дә менә дигән ярдәмлек. Рус һәм татар телләрен өйрәнү өчен дә файдалы кулланма булачак. Рус халкы белән аралашып бергә-бергә яшәгәндә, «Татарча-русча кесә сүзлеге» бер генә өйдә дә артык булмас, киресенчә, ул «тел вә лөгать алмашып яшәү» өчен иң кирәкле ярдәмче булыр.